Am Bode e hells Förmli
in Staub iine bache s
Liecht

S gliicht
im Dachfenschter ufs Hoor
sellem usgschtochene Weihnachtbrötli

D Schrankdüre gickst

Krönli
schwarzi Pumphose
e Fläderewisch
Altwiiberlarve

Zwei Kinder im Nachthemmli
un de Schutzengel
alli hinter Glas
aaglähnt an Wöschtisch

D Schwalbe rüefe jetz ganz us de Nööchi

E alti Badwanne
düpflet vo Rueß un Staub
wartet siter wivil Johr
uf de Schmutz

vom Märliprinz